Scola mercantila dil di per carschi
Il concept
Il Center da formaziun Surselva porscha in cuors che s'orientescha alla pratica e cuoza dus onns. Il cuors ei surtut per persunas interessadas ch'ein gia en in mistregn, seigi quei mistergnerAs, persunas che lavuran ella vendita, persunas che lavuran en mistregns socials etc. Il cuors ei ideals per dunnas ni umens da casa, per persunas che vulan puspei entrar el mund da lavur sco era per persunas interessadas, che vulan sescolar el sectur commercial. Il cuors succeda sin fundament da moduls e sedrezza allas pretensiuns dalla fiera da lavur.
Finamira da scolaziun
- emprender d'ir entuorn cun mieds electronics moderns
- scaffir la basa per ina lavur qualificada en biro ed administraziun
- dar vinavon ina savida fundamentala commerciala a carschi
Scolaziun
La scolaziun ha liug el Center da formaziun Surselva, Klosterweg 18, 7130 Glion. Duront 4 semesters visiteis vus mintga
mesjamna suentermiezdi tschun lecziuns
dallas 13.30 - 17.45.
L'instrucziun succeda tenor metodas modernas en pintgas gruppas. Ei vegn era fatg diever da mieds electronics.
Finiziun
Mintga modul cuoza dus semesters. Tier mintga rom dat ei ina nota da semester. Tgi che absolva tut ils roms retscheiva in certificat dil Center da formaziun Surselva.
Plinavon san ins era serrar giu singuls moduls dil Certificat Svizzer d'Informatica (SIZ).
Duront quater semesters visiteis vus suandonts roms:
Daner da cuors
CHF 1900.-- per omisdus moduls
(CHF 950.-- per onn / CHF 475.-- per semester).
midadas resalvadas
Il daner da cuors per la scolaziun ei da pagar ordavon.Ils mieds d'instrucziun ein buca cumpri el daner da cuors.
Cundiziuns
- Separticipar activamein all'instrucziun da scola, studi autodidact a casa
- Visitar regularmein l'instrucziun
- Ei vegn pretendiu neginas premissas dil fatg
- Giavischau ei in agen PC cun access agl inernet
Annunzia
Vus saveis s'annunziar per telefon (081 926 25 50) ni per E-Mail (admin@bzs-surselva.ch).
Las annunzias vegnan risguardadas tenor l'entrada.
Participaziun minimala pil cuors: 10 persunas
Termin d'annunzia: 30 da zercladur 2022