...biabein 75 affons en la vegliadetgna da 5
entochen 20 onns sentaupan mintga jamna
per cantar communablamein
Nossa scola da cant porscha a ses affons eveniments musicals ed inscunters surregiunals. Las cantaduras e cantadurs derivan da tut ils vitgs dalla Surselva e tgiran duront las emprovas jamnilas amicezias sur ils cunfins dil vitg ora. Concerts, survetschs divins, camps, viadis da concert e festivals empleinan mintg’onn lur agenda. Lur repertori cumpeglia litteratura profana e sacrala da tut las epocas tochen tier la musica da pop, rock, jazz, musical. Nus dein gronda peisa sin ina educaziun da vusch sauna e professiunala.
Cantaduras e cantadurs dil chor 3 e 4 survegnan la pusseivladad da sescolar en gruppas pli pintgas.
Las emprovas han liug mintgamai venderdis en casa pervenda catolica a Glion.
La scola da cant consista da quater gruppas da vegliadetgna:
| Chor 1 Paslers | scoletta | 14.30–15.20 |
| Chor 2 Masets | 1./2. classa | 15.30–16.20 |
| Chor 3 Lodolas | 3.–6. classa | 16.30–17.55 |
| Chor 4 Luscheinas | naven dalla 7. classa | 17.30–19.25 |
Fuffergnadis ein adina pusseivels!
Direcziun
Plan actual dils exercezis
Annunzia
> online
> il formular san ins cargar giu
Entras l’annunzia ein ils geniturs automaticamein commembers dall’Uniun Chors d’affons e giuvenils Surselva
...cantar fa bials!
