Purschida da formaziun

Scola media d'informatica (IMS)

La Scola media d’informatica eine ina scolaziun dalla scola media cun in examen professiunal renconuschiu. Duronts ils emprems treis onns eis ella ina scola a temps cumplein. Ella colligia ina savida generala approfundida sereferend alla professiun. El quart onn suonda in onn da practicum che levgiescha il pass ella veta professiunala.

La scolaziun vegn terminada cugl attestat federal da qualificaziun (afq) informaticher/informaticra el rom svilup d’applicaziun e cun la maturitad professiunala commerciala (BM). 

Igl attestat da qualificaziun possiblitescha igl access direct ella veta professiunala. La maturitad professiunala possibilitescha denter auter l’entrada senza examen ad ina scol’aulta dil fatg renconuschida. 

Durada da scolaziun

3 onns mo scola
1 onn practicum da menaschi

Premissas

Per saver frequentar la scola media d'informatica eis ei igl emprem da far e dumignar igl examen d'admissiun. Quel ha mintgamai liug miez mars. S'annunziar san ins denter la fin d'october e miez schaner. Tuttas informaziun (roms d'examen, materia d'examen, notas e prenotas, vegls examens e.a.v.) sco era il linc per l'annunzia ein d'anflar silla pagina da web dil cantun.

Sistem da formaziun, roms e plans d'instrucziun

L'instrucziun ha liug els emprems treis onns 3 tochen 3.5 dis al Center da Formaziun Surselva CFS (instrucziun els roms dalla maturitad professiunala) a Glion.
Duront 1 tochen 1.5 dis ei l'instrucziun alla Scola professiunala industriala a Cuera Gewerblichen Berufsschule Chur (instrucziun dil fatg informatica). Ils cuors ordeifer il menaschi (ük) han liug duront ils emprems treis onns e vegnan menai atras da Verein zur Förderung von Elektronik und Informatik Berufen (VFEI). 

  • Survesta scolaziun (suonda)
  • Tabla da lecziuns (suonda)
  • Plan d'instrucziun maturitad professiunala (suonda)
  • Plan d'instrucziun dil fatg (suonda)

Pusseivladads da cuntinuaziun

  • examen professiunal ni examen professiunal superiur
  • scola specialisada superiura
  • scol'aulta specialisada
  • gimnasi
  • universitad (via gimnasi ni passerella)
  • Scol'aulta da pedagogia (via precuors)

Reglaments interns da scola

mira reglaments