Sur da nus

Denter il temps da scola obligatori ed il mund professiunal sesanflan las purschidas dalla Scola Vinavon a Glion. Las scolaras ed ils scolars, ils responsabels per l’educaziun e l’economia colligian biaras spetgas e pretensiuns cun quella midada. Quellas ston vegnir risguardadas. Entras midadas permanentas ell’economia van professiuns cun in profil pli sempel a piarder. Pli e pli vegnan novizs el mund da lavur confruntai cun pretensiuns pli aultas. Senza sustegn san las scolaras ed ils scolars dalla Scola Vinavon cun lur premissas scolasticas, persunalas e culturalas savens buca tener petg a quellas pretensiuns.

La Scola Vinavon sustegn giuvenils sin lur via ella veta professiunala ni en scolas cuntinuontas. Quei succeda cun purschidas dad in onn che adempleschan ils basegns dallas scolaras e dils scolars suenter il temps da scola obligatori. Ulteriuras informaziuns davart nossas purschidas anfleis Vus sut tip da scola.

Nies liug da scola

Scola Vinavon
Via Depuoz 3
7130 Glion

+41 81 925 34 33
admin@bzs-surselva.ch