Formaziun transitoria

Suenter quei onn da scola eis ti fit per tiu emprendissadi ni per ina scola cuntinuonta. En duas classas da tschep parallelas e homogenas vegnan ils roms obligatoris instrui (29 lecziuns / jamna).

  • Instrucziun da nivel approfundonta ed amplificonta els roms tudestg, matematica ed engles
  • Certificats IT: certificats da habilitad ECDL
  • Dimora egl exteriur a Cambridge cun la pusseivladad da contonscher in diplom d’engles (PET, First, Advanced)
  • Instrucziun da project
  • Occupaziun intensiva cun differentas pusseivladads da formaziun, sustegn tier l’elecziun da clamada e la preparaziun da carriera, preparaziun per tests da qualificaziun per plazzas d’emprendissadi ni per scolas cuntinuontas
  • Stretga collaboraziun culs centers d’informaziun da clamada

Public en mira per la formaziun transitoria

  • Giuvenils che san contonscher lur finamiras cun motivaziun e perseveronza.
  • Giuvenils che vulan approfundar lur cumpetenzas da scola.
  • Giuvenils cun imaginaziuns realisticas dalla professiun che vulan ir pass per pass la via tier lur professiun.
  • Giuvenils che vulan frequentar scolas cuntinuontas.
  • Giuvenils da lungatg jester che vulan emprender tudestg sco secund lungatg per saver entscheiver ina formaziun professiunala adequata.

Formaziun transitoria cumbinada / onn da schanzas

Cun quella purschida duein ils giuvenils saver slargar lur cumpetenza scolastica, lunguistica e sociala. La midada dalla scola ella veta professiunala succeda pass per pass grazia a praticums pli liungs cun blocs da scola denteren.

  • Onn intermediar orientaus alla pratica
  • 2 dis scola / 3 dis praticum per jamna
  • Instrucziun da nivel approfundonta ed amplificonta els roms tudestg, matematica ed engles
  • 3 jamnas da scola da bloc e 3 praticums (mintgamai 11 tochen 14 jamnas)
  • Sustegn tier l’elecziun da clamada e la preparaziun da carriera sco era tier la tscherca da plazs da praticum
  • Accumpignament dils giuvenils en lur plazs da praticum en cooperaziun culs responsabels els menaschis
  • Stretga collaboraziun culs centers d’informaziun da clamada

Public en mira per la formaziun transitoria cumbinada / onn da schanzas

  • Giuvenils che han buc aunc ina plazza d’emprendissadi e che vulan ir pass per pass la via tier lur professiun.
  • Giuvenils che s’interesseschan cunzun per professiuns manualas e per professiuns el commerci en detagl.
  • Giuvenils ch’ein fidai e punctuals, che supportan squetsch e ch’ein promts da tener la dira, era sch’igl ei stregn.
  • Suenter quella purschida cumbinada eis ei la finamira che absolventas ed absolvents entscheivien ina formaziun professiunala.