Per vegnir recepius alla Scola Vinavon ston ils interessents e las interessentas emplenir ora l'annunzia cumpleinamein. En in discuors persunal vegnan las condiziuns examinadas. Annunzias vegnan recepidas continuontamein. Per far giu in termin da discuors p.pl. contactar petar.corusa@bzs-surselva.ch via mail ni per telefonin 079 409 51 24.

Impurtonta indicaziun: 
Tenor experientscha ein nossas duas purschidas ils davos onns fetg tschercadas e naven dil matg savens occupadas cumpleinamein. En quei cass menein nus gliestas da spetga. Nus recumandein perquei da s'annunziar ad uras per che Vus sappies segirar Vies plaz e separticipar al di d'inscripziun l'entschatta zercladur. Cordial engraziament per Vies interess ed en cass da damondas saveis bugen s'annunziar tier signur Corusa.