Scolaziun elementara

Instrucziun en gruppas

Cun semuentar, tedlar, cantar e notar vegn igl affon sensibilisaus per ritmus, melodia, fuorma ed expressiun. La scolaziun elementara promova la fantasia e la creativitad, sveglia sentiments e plascher e sustegn aschia il svilup general digl affon. Ultra da quei fa igl affon enconuschientscha cun ils differents instruments.

Quei cuors ei mo pusseivels per affons dalla 1. e 2. classa. Il cuors cuosta CHF 168.00 per semester e cuoza mintga jamna 50 minutas e vegn menaus atras cun ca. 6 scolars.

Allas scolaras ed als scolars dalla vischnaunca Sagogn, Schluein e Lumnezia vegn quell’instrucziun purschida gratuitamein en scola populara. In’annunzia ei buca necessaria.

Il cuors “scolaziun elementara” secapescha da principi sco cuors annual!